五馬分屍就真...點啊？老薑而家上咗位做大嘅，得番個辣字又唔夠勇？男人唔玩好易冇?。」

「公司有人resign，留番d蘇州屎畀我，夠勇都唔得閑啊大佬~」

「少人又唔使死，龍伯唔喺香港，你扮咩勤力乖乖豬啫？」

「老細唔使返工啊？」，Ray熟練切除另一支魚雷雪茄帽，瞥眼佯嘆道：「一個秘書有咗要安胎，要走嗰個你估下係邊個？」

烏鴉臉色頓時僵沉。

陰郁填膺，黝黝黯黯，焦灼裝淡然，錯把Marlboro倒銜，捂灰濛濛幾許失意，灌溉Ray瘋長的八卦種。

反向抽煙，叼穿地球。

憋足十天半月，看來高冷女菩薩龍羽堅決飛離他的列龕。

握干戈動粗，逞惡毒嘴癮，他承認確實飆泄殘忍的痛快，更變態地享受她泉涌淚盈。

那對專屬金珠，算不算定情信物？硬生生摘扯再狠狠擲還，滾落水窪，發抖倒影擴散漣漪，他仍頑劣到底，心沒軟化半分。一宿翻篇，次日追悔快過火箭，一周接一周，懊惱愧歉，直到率性敗壞，怒統統蓄積成欲。

屋企衾枕好像裹存芳馨，卻丟失初夜溫熱，不敢撥號致電求和，怕拔地萬丈尊嚴碎在不接不應的忙音裏。

毋寧罷職都要割舍一切關聯，真骨氣，真小器。

「你同意咗？」

得Ray肯定答案，他微微躁怒啐吐煙絲：「話晒我都係名譽股東，點解唔問下——」

巴洛克紋飾硫銅門被推啟，佳人未現，鶯柔鸝婉聲欣悅先至。

一眾妙齡女郎雀躍而入，領隊男子英挺高拔，發密不亂低束馬尾，寶藍恤衫貝母扣，米蘭袖挽在臂肘，露兩截蟠龍刺青栩栩神活，銀邊鏡片閃霧痕，笑似雍容貴冑。

東星草鞋梁東昇，保家肥龍的得意門生，數年前僅運作若幹小竇口，因細靚跋扈妄為揦屎上身遭皇氣勒令，過海浴血斬斃死敵馬霖，反臺力挫三聯金剛骨精強，於桂枝江湖震響一炮。

其後擒綁number紅燈區摣fit人崩牙豹，逼對方退居亞皆老街以北，牢戙旗幟悶聲斂財，霸攬砵蘭街40%情色經營，與孖吉洪興三足鼎立，各憑本事分庭抗禮。

私鐘馬檻、娛樂會所、鹹淡水，梁東昇禦業有術，一概公司式治理，常師夷國至in至淫手腕，締造艷譽遐邇的旺角Moulin Rouge。光是揼骨妹就研習東南亞廟宇按摩技藝，兼印瑜巧韻，備遮柄威而鋼，含吹瀨啜，俗佛雙修，芊芊嫩指上下扶陽，激登巔峰之際，前列腺悟八識，海綿體接慧根。

煙花巷嘗鮮取經，不代表烏鴉欽佩吃女人飯的金牌馬夫。

梁東昇踱步坐下，言語客套熱絡：「咖哩通知我烏鴉哥大駕光臨，咁啱孖六嗰臺東莞客係老友，拖咗半粒鐘，招呼唔到唔好見怪。」

兀自罰酒一杯，默默無聞的432如今八面玲瓏。

烏鴉噙笑回敬，異常大度：「大家老表仲講呢d，你十幾檔夜場撈到家肥屋潤咁，第時我仲要黐你大東金糠。」

「烏鴉哥咁抬舉我吖，幾百個兄弟要養，搵餐晏仔食啫，有賴你哋幫襯我呢度先可以蓬蓽生輝。」

「謙虛，字頭入面邊個唔知你呢期最出位。」，烏鴉遞去雪茄：「你大佬肥龍同白鬼嘈晒大交影衰個朵，人哋唔係睇你飛屎，佢仲有機會蒲咩？佢就係條命生得好，有你咁叻咁雷嘅靚，樣樣幫佢執手尾。」

梁東昇笑著辯駁：「大佬有惡鯁嘢，做靚嘅點可以側側膊，再講佢而家只係收咗火，唔係收咗皮。」