啦，Miss咪神再食籠豬膶燒賣，食飽嘞我哋就返屋企，上床慢慢教。」

晚風習習釘穿耳骨，吹皺元州街巷陌形色，Azure配型男高妹，難得一見的吸睛。

有情圓滿，添碗糖水飽。

他含銜布甸西米露，頑劣地偷探侵襲，貪婪攫取吻盡，與她口中的薑汁豆花交融，冰火雙重化開千絲萬縷的蠱，甜蜜叠億層，過把癮就死。

「當初唔係好憎我?咩？而家錫到唔肯放，幾時開始冧我?？」

「見你寂寞可憐缺少關懷，我份人心地好，大發慈悲。」

「嘿嘿，生仔姑娘醉酒佬，你就係想做阿嫂。」

「黑社會大佬個個三煞位，做阿嫂就衰到加零一，彩鳳隨鴉知唔知，我唔係真鳳，但你係隻真烏鴉。」

「...又係邊本書寫嘅廢話？」

狂妄武夫只諳刀鋒弄舞的生存法則，頂多認識李嘉誠和李麗珍，懂什麼李碧華。

爛佬愛潑婦，玩浪漫玩征服，翻掌擒縱覆手誘奪，頭啖湯賞味期僅限一輪昏昕，隆冬未捱過，徒剩腐敗。情霧迷她眼，飛蛾與熔岩吸引，片時悱惻，塑膠真心，古惑仔哪有恆久本性，30萬就澆熄優曇一現的亢熱。

「仲未癲夠啊，扮正義扮熱血，仲想拖幾多個細路祥落去？」

「如果唔係因為你搞事連累，細路祥點會死！我間舖又點會畀人燒？！」

「怪我累埋你？龍羽，冇我，你一早死咗九世啦！」

「...咁就分手，唔使大佬你護住我！」

「你再講多次！」

「我話分手...」

「講咩笑，分手？估你係鍾楚紅我好like啊，心情好先陪你呢個魚蛋妹玩幾日，你係攝檔?咋，唔好自作多情！」

「爛燈盞...你躝...」

「記得以後見到我要兜路行，我驚我忍唔住問你要返30萬！」

槍管二噁英混漫不經心的尼古丁氣息，撞碎街邊微弱的靛藍光影，滾滾汩汲的淚出賣倔強，掙扎著流到嘴角苦嚥而下，膏肓之蠱，好鹹好毒。

冷酷恥笑她蝕本毀利的情有獨鍾。

理智皴裂一剎，她感激有朗青那碗艇仔粉墊肚，讓她保持尊嚴，直立走完頹唐歸家路。

cab交通電台調頻至叱吒903，音樂放送段一改輕逸勁歌，播出96賣飛佛銀獎曲，Sammi Cheng通透中音可圈可點，完美駕馭了婉約。

<...沒留念 也欠缺舊信件

<竟看不見怎麼可再相見

<一個冷漠 一個決絕

<不多不少 不相伯仲

<你我再也不拖不欠 但我為何又發現

<在腦內剩餘紀念 已剛剛足夠跟我糾纏...

司機不喜歡，伸手去轉台，阿羽出聲請求。

「師傅，我想聽埋先。」

中斷動作，他側頭一睨，原來是郁郁寡歡的紅塵痴女。

<一個說話 一個決定

<清清楚楚 乾乾脆脆

<你我永遠不拖不欠 但慶幸尚能發現

<在印象尚留紀念 每一刻都記得

<你甜蜜過的臉......

青煙渺散，春夢了無痕，失戀，就當失身。

——————————————