，哪個對她來說都是難以擁有的奢侈。

「Lowell High最後一個sem我決定申請伯明翰大學，無諗到伯爺好支持。」，他十分平靜，像敘述別人的故事：「我拎到Bachelor無耐，佢就註冊咗Ronda鴻升算係送畀我做禮物，多多少少都係因為阿媽嘅原因。」

阿羽岔走話題：「有聽Joey姐提起你喺UOB主修基礎醫理。」

「喔？仲講咗我D咩？」

「話你...疊水有米，仲靚過羅拔迪尼路囉。」

Joey的媒婆濫腔隻字不改，循環嘮到上帝再創世紀，興許能說服耶和華賜夏娃予他共結連理。

Ray雙手叠胸，噗嗤一聲舒朗大笑：「係咪話我受你咁樣嘅高妹溝？」

阿羽羞答答默認。

「哈哈，我阿爸恨飲新抱茶啊，Joey揸大葵扇就撥上癮。遲D我要攞封利是，祝佢花開並蒂，睇佢湊住兩件仲得唔得閒操心我D嘢。」

她愣了，張嘴驚訝：「你意思係？」

Ray止笑挑眉：「bb已經8個禮拜大喇，check咗係對孖仔。」

多麼可貴，料峭之中的胚芽相輔相依，浣浴期冀甘霖，將茁綻齊茂璋筍，亦或沿系根莖聯芝競秀。

Joey和梁警司，天公眷顧的爹地媽咪。

阿羽涌現誠摯幸悅：「恭喜佢好事成雙。」

「佢好欣賞你，1月份傾電話嗰陣佢狂讚你斯文醒目。」，Ray忽地灼灼而視：「唔想當面親自道個別咩？」

半唐番果真意在曲線挽留。

「我...」，阿羽欲言又止，連日柔腸輾轉的決定被矛盾遺憾脅持。

Ray以退為進：「唔好誤會，我唔係用佢綁架你，一份job啫，更何況擺喺第一位嘅始終係屋企人。」

這招盡然奏效，喂顆定心丸消釋顧慮，阿羽分明還多了猶豫。

趁勢再生一計：「係呢，Joey啱啱喺昆士蘭返嚟香港，需要安胎適應返D時差，下個禮拜有個小型拍賣會，你代佢做我嘅plus one覺得點？——嗰日正正就係你嘅last day。」，不給編構推辭的時間，他接踵補充：「就當臨走前幫佢cover工作，主僱一場，我畀triple你。」

誰說綁架得用繩索？

鋪設足顏厚面大到橫跨歐亞，獻上殷勤項鍊，隨他東西牽引，拖拉遲疑一秒都是辜德負義，對錢不敬。

一走了之，理由百千種，偏為陳天雄那巴掌割裂，反顯得她做作矯情，打她的又不是龍睿。

好聚好散，一份差而已。

○○○○○○

鉛灰天幕漸次深化墨硯，殺氣騰騰收束四合，逼出港九所有熒曄。

海隧行車淤堵，走走停停燒油費腳，經年累月演示血管栓塞不暢，車輦在致郁長廊如繁密矢量交匯，徐歇往遠方延伸。

甫過紅磡灣，cab司機喋喋不休，似整團紡紗，抽不完的怨絲。手袋黨任關佩英尸位素餐，運輸署上樑不正下樑歪；立法局民協某幹事陷“捉黃腳雞”醜聞，叼，納稅人的錢為政客褲襠買單；船王公子董Sir即任特首，京官阿爺從此名正言順關起門訓仔，89事件談虎色變，紅港民主還能撐多遠？

社科萬寶全書，字字珠璣，於事無補。

後排的阿羽笑笑，全程沒接茬，司機越說越乏膩，結束唾沫橫飛。

不過是排遣寂寞搭錯目標。