車擦交而過，罪惡謝幕，正義象徵性兜尾殘局，本港警黑俗成約定默契合作，好生和諧。

經柯士甸莊士倫敦廣場，把軚的Taco降邁，頻頻瞄向倒後鏡，老大阿嫂貌合神離狀壓抑肅殺，槍支橫亘中間，定界左右荒蕪。

「大佬，阿嫂有傷，使唔使...」

「專心揸車，佢死唔去。」煩懣勻蝨似的勻開，烏鴉眼皮沒抬。

佐敦打彎，舊樓單調的橘燈長長短短稀疏馳掠，車廂內時而快進時而倒帶。

「間舖畀燒咗，把口都畀人切埋？講嘢。」烈焰破除緘默，全無三日前的翩韆。

阿羽低頭抿唇手指蜷縮，因割痕血液濡大片猩紅，方已乾涸：「你都知道晒，仲要我講D咩...」

「話你鑊鑊新鮮鑊鑊甘，等唔切我翻嚟就買板掘氹去送死。」

分貝漸高不帶溫存，她是不是應該哭着說身首異處之際，絕望見不到他最後一面？

「田壽輝收咗你咁嘅癲女做靚，唔怪得要收皮...」

「出咗事同我講聲好難咩，知唔知自己喺度做緊乜嘢？」

「有無當我係你件佬？」

明知禍闖滔天，後悸震盪，前所未有的陌生激越却沉澱了疚悔胸臆，逼她慌不擇路犯犟抵禦。

「我去邊，做D咩，無必要同你匯報。」

以往是相處情趣，當下是刺耳忤逆，一口憋皂吐吶而出，郁結就快脫韁：「你做咗幾多日人？今次呢30萬當買翻條命，以為次次都咁好彩？」

「...原來你係心疼D錢。」

男人肝火燎軀，幾欲嚼齒穿齦：「我確實係心疼錢，心疼到差D跪低求擒龍，嚟救你呢個Macau Friend！」

條女不懂鼓吻弄舌伎倆，他亦如是。我願獨自馬革裹屍，我願為你大開殺戒，這般純粹，生生扭曲，針尖對麥芒，彼此互嚙口涎。

「就算係麻鳩煩我自己都會搞掂，唔需要你插手。」

鼻腔鑽出冷哼：「係啊，你小拳王嚟?嘛，全港島你最狼最好打，咁你又去搵朗青！？」，還穿他精挑細選買的衫，盡態姝妍又若隱若現，被搶先飽賞，怎不叫人妒媢似劍。

五內倏瞬凝固結石滾沉淵底，她頓覺寸絲不掛，孤注一擲的秘密曝了光，可笑得很。

阿羽直面嗔視，眼眶浮塗紺青，喉音忍不住打顫：「陳天雄你咩意思？」

「咩意思你好清楚，跑去鯉門搵佢科水飲酒，想換大佬定係換條仔？」

離譜，他竟胡抓權柄口不擇言，潑面淋澆莫須有的冤，陰毒的憎。

「你係咪short?，我只係同佢見過兩三次，你老屈我？」

「我喺馬交，你可以搵你老細阿Ray，偏偏搵一個唔熟嘅幫手，佢點解唔班馬幫你炒翻尖東！？」

「講完未！」

「你食咗過期春藥？做錯嘢仲發爛渣！」

沙漏墜空反轉傾塌，烏鴉起腳踐踏車氈上不知名紙盒，唏哩嘩啦撲簌作響。

也只是眼一闔一啟，驚怖從後頸掀炸，根本容不得半點遲疑，靈敏反射弧繃起，右手高速爆發彈衝出去，千鈞一髮，生死交關。

如孿生枝蔓共同纏絞以她眉心為靶的Ruger，他的掌包覆她的，指尖攥成白色，絡在一起角力較量。

「咁就打死我，賠翻畀你嗰30萬...」

鳳眼翻攪漩渦，緩慢敷滿流晶，手抖不止，却鐵心要攖鋒摘镝。