烏鴉更欺師滅祖。

嫌惡瞟他一眼，不徐不疾道：「立花，你响對江把炮，係咪想三分顏色上大紅，伸隻腳過九龍攬老襯？」

「挑那媽，過江都係客！估自己係乜撚堅料，圪我兄弟？」太子勃然大怒，習武人的雄浑嘭聲拍撻烏鴉胸口肌塊。

「唔使咁慶嘅，我嚟帶條女去食宵夜啫...表演就表演完喇，太子哥唔會係唔满意，想加佢鐘啩？」

「哼，佢發台瘟，嚇走晒D客仲郁傷幾個孫，你係管唔掂嘅就我嚟幫你管。」省略話語空隙，柯打霹靂突襲：「火柴！飄忽！圍起佢！」

近身急先鋒阪上走丸，兩道殘影飛向阿羽，大天二，阿Sam不甘落後，並駕齊驅一霎趕至，攏共5人扇形站位，擋成堅實的隔離屏障。

與此同時，Ruger扳機保險針清脆滑軌，黑洞洞槍口直指太子。

雙邊馬仔的騷亂重又此起彼伏，毆鬥前慣例咒爹辱媽，有些甚而揎腕擠搡，屠宰場一群瘋癲牲畜，你死我活的熱鬧。

程度到此為止，下山虎手持兇戈萬夫莫開，誰敢拿揸fit人性命尋刺激。

僵化淤滯，互有掣肘。

「話管教，講嘢呀？你D細掛住你牌頭一日到黑踩過界我都忍咗好耐，佛都有火啦，邊個啱定錯留番拜山先，唔想死手足嘅就各自放人。」

「呢度老尖，你估油麻地啊，憑咩响我面前攞人？我本環陀地，熔Q咗你班二打六都未出到門呀冚家剷！」

「將我軍？我真係好想睇下你畀fe到蜜蜂竇咁穿晒窿會係咩樣。」

「開槍吖笨，莫薑灼低我哋，呢舖一於吹晒雞捽撚慶你，順便收你油麻地成條拉。」他由始至終刻意忽略的陳浩南篤定朝右歪了歪頸，通道冚密堵實，提醒他身處滿鑊食滑的環境。

姿勢面孔帥出新高度，男星瞧見都冒嫉妒，烏鴉短眴一剜，發自肺腑想把這錙銖必較的小丑顱腦爆個濃墨重彩。

怪龍睿有失水準，美墨往返走私百無禁忌，落腳香港入鄉隨俗拘束了孟浪，怎麼也該供架AKM把洪興掃為篩子，在對手的送葬哀樂中宣布他下山虎改朵東星葉繼歡。

「依牙鬆槓恰個女仔就係為咗吞我支水啊？我D生意唔做都得?啦，拳館、果欄、club、老翻全部停檔同你哋打餐飽，打到O記出面冚晒兩支旗，睇你食唔食得落。」

Ruger上移，觸頂太子腦門一抵，悍虐漆瞳殺意決絕：「但係我講多次，嗱嗱聲放人。唔係？出便有一平馬，5分鐘之內我唔行出去，即場入嚟冚你老母上天棚！」

上風急轉直跌，機簧蓄盈待竭，隨時履行洞穿太子頭蓋的光榮使命。

盲蠢皆知，十步外槍快，十步內，槍又準又快，四週怛然驚愕，強將不打無備仗，一平馬的上百數字，好一招背水沉舟釜底抽薪。

指望吹雞？黃泉路上有大把時間吹。

槍口餘溫未偃，吸髓管一樣扎腦抽幹漿液，七尺大漢覆墜冰窟，太子強忍下意識鼓激的觳觫，冷不丁想起鄙夷流言：東星百年，五虎地位超群。

尼姬的勝利天秤不總是傾向於他，洪門五祖的香火也不孑孑獨旺洪興，位高權重亦不代表不會膽怯，Gucci雖昂貴，到底沒產防彈衣。

江湖鬼的臺階，最後的體面。

既羞且怒揮揮手，撤讓兩邊生路。

視野锁锢小拳王形影，若劣質碟畫面卡頓，無任何動彈。