眸，借燈火藏匿絳靨，腦海一頓理欲大戰，龍羽，你來找人定賞型男？

「條友唔喺度，跟我嚟。」朗青遏止她偏軌思緒，推了把六神無主的Albert，沿船廊逆人流朝Jumbo另一側銜接的廚房躉走去。

腥膩味越來越刺鼻，廚躉邊停靠細量吊雞艇，輪軸摩打嗡嗡轟囂，磚色吊臂抓釣深綠刺網，拋到甲板「啪嗒」濺一汪濘鹹海水，三泥獅頭垂死掙扎。

月之黑暗面投射，討生活的船工畫地為牢，抬頭仰望月亮，低頭憂愁六pence。廚運們手戴長膠套身着黑圍交搬保麗龍箱，聚苯乙烯與汗水混海獲餿氣，差點熏吐Albert嬌身貴骨。

其中一名瞥到熟人，熱情招手：「阿青！」

「勝哥。」朗青不嫌他異味腌透，迎上前拍撫肩膀遞煙點火：「辛苦啦，咁夜都仲忙緊。」

「唉~每日都係咁?啦，得閒死唔得閒病。」

「呢期生意點樣？」

「有咩點，龍蝦至搶手，32一兩，380一斤，撻沙個價高咗啲，但係都畀佢哋壓到盡。有時間去索罟灣整啲大澳魚，就唔使受氣。」

男人呼一脈無奈煙圈，嗅到八卦：「嘩，阿青，你個衰仔拍咗拖都唔話我知，條女咁靚，收埋咗幾耐？」

阿羽咬唇欲矢口否認，朗青飽含曖昧地澄清是「朋友」，順帶察探她的反應，甚至能捕捉繚亂鼻息。

「係呢，點解唔見細D嘅？」

「超！一提呢條仆街我條氣就唔順。」勝哥喜怒無縫切換：「成Q日詐病話唔撈，仲私吞埋條數，阿青你再唔送走呢個瘟神，遲早揦屎上身啊！」

朗青不禁沉臉：「咁佢人呢？」

十來分鐘後，不起眼的小舢舨悄無聲息接近鴨脷洲大橋旁靜泊的機輪「祥興號」，三個身影捻手躡腳登上尾舷，踩過一地纜繩水繒濕漉起伏。

專心致志補罟網的倆鶴佬漁工全然沒察覺，互相抱怨睡不了個把鐘又要出發去東澳作戰，面容黧黑的阿星（印度人）甩遠煙蒂回頭撞見朗青，速速急切招呼同僚，話事的駕到。

鶴佬放下忙活慌張撐立，「青哥」未叫出聲，hush手勢先一步示意噤默。

船首機艙燃油氣味時隱時現，舵室外睡板桌台歪扭凌亂，公仔麵剩光溜油花，而佔台的物品是水煙筒、金屬小鐵盒、紙捲，以及一團磨碎的干草葉。

大麻吸食有五法，細D選了最低級最直接的卷roll，吞雲吐霧，豬油焦臭滲透枯朽的毛細血管。

阿羽不只一次暗暗鄙夷他，獐頭鼠目草草略具人形，就敢仗田壽輝爛朵，光天化日下狐假虎威橫行深水埗北河街，27，8歲，兼職道友，全職流氓。

「乜撚嘢詐我型？而家朗青謝晒皮啦！」

「同埋我過到和記之後就唔使聽佢支笛，當佢臭四！」

「係咁先，叫雞嗰陣記得call我。」

細D作灘爛泥狀，抖抖柴瘦二郎腿，四下無人之境忘乎所以。擱置手提電話一刻，猛地驚跳而起，連滾帶爬打翻玻璃Bong，眩暈又膽寒，整一腔運籌帷幄崩得七稜八瓣。

他早忘了半隻腳踏出福生，偃旗息鼓的紅棍，爛船仍有三斤釘。

「青...大...大佬...」

「細D哥你搵到財路，仲認我呢個臭四？」那番逆耳狂辭朗青聽得一字不漏：「同人哋斟緊乜好嘢，預埋我一份啊。」

顫慄對上譏誚仇視，細D勉強擠討好的笑：「...同人哋亂鳩咁吹水咋嘛。」

朗青眼掃狼藉，盛怒之意愈發明顯：「我幾日冇嚟啫，你就喺我呢度隊草，喺外面秘撈搵咗幾多？」

「無啊！無秘撈，我只係喺船上面做嘢...」

「做嘢？我做你世界就真！」