間公司，同天雄哥講掂咗一齊part住投資。」

「好啊！」駱駝甚是贊成：「荷蘭嗰堆後生仔，就得你同天雄玩得最埋。哎？嗰衰仔做乜仲未見人？」

烏鴉換了輛藍色Azure座駕駛入吉列島泊定，下車拉起阿羽直奔碼頭濱廊。

甫一登上遊艇，阿羽不由得倉促拘謹，陳天雄事先沒告知，自己便穿得隨意簡樸，完全不適宜場合。

烏鴉發現她自行慚穢，頓覺極其可愛：「做乜咁緊張，人你都見過啦。」

他抱抱小女人以表安慰。

進了內艙，他在駱駝前露面：「阿大，阿Ray。」

「你再唔嚟就自己同我游去筲箕灣嗰度，咁大個人仲成日唔嗲唔吊咁..」駱駝夾着雪茄粗俗地嗔怪他，差點讓Ray笑噴。

「唔好意思，我去咗接人吖嘛。」烏鴉態度散漫地賠不是：「你睇下我帶咗邊個嚟？」

阿羽上前向駱駝行禮：「阿公，萬事勝意，豬籠入水…」

「哈哈，係小拳王嚟咗啊，大家咁話大家咁話！」駱駝對她記憶深刻，轉頭又數落起烏鴉：「上次咪叫咗你買啲似樣嘅衫俾佢囉，轉個頭就唔記得，當我講嘅嘢係耳邊風定你D記性就好似條金魚咁得7秒啊？」

阿羽被駱駝說得更覺難堪，早知道就稍微打扮下了。

本打算略過雷耀揚，對方偏要故意招惹：「烏鴉，新年快樂。」

「哼。」他斜瞄過去：「雷老板，新年快樂~咦，換女快過換床單喎~」

「呵呵，呢係我老婆啫，滿智，陳さんに挨拶する。」

華貴的岡田滿智優雅起身，朝烏鴉伸出柔若無骨的玉手：「私は岡田満智です，陳さん，ご高名はかねてより伺っております，よろしく。」

烏鴉一句都沒聽懂，隨便握了下，岡田竟用手指在他掌心裏劃了一圈，目含秋波，公然挑逗。

他不耐煩抽回手，和阿羽一起坐低，駱駝又說起之前土瓜灣那場拳賽，Ray暗自驚奇，想來龍羽在拳館定是戰績彪炳，果然與眾不同。

遊艇已發動，出了泊船區緩緩航行到海面，五光十色的景觀錯落有致，視野豁然開朗。

遊船期間眾人舉杯暢飲若幹次，共同慶賀新年。

「阿大，我有嘢要講。」烏鴉放下香檳，打算宣布心中所愛。

「乜事啊？你講。」

他深沉看着阿羽：「而家小拳王係我...」

「Uncle！」話未說完，Leah銀鈴般的嗓音響起，引起大家注目。

駱駝朝她招手：「哦~Leah，過嚟坐先。」

Leah心機不善，毫不客氣擠開阿羽，橫插坐到陳天雄身旁。

烏鴉翻個白眼，在心裏罵了句「你老味」。

靚麗的女孩上身穿crop top，露出纖細腰身，下裝是時髦的高腰褲，施以精致的妝容，立刻就把阿羽比得暗淡失色。

阿羽默默噤聲，從Leah身上感受到不小的敵意。

「天雄，聽講你同佢而家拍緊拖喎，做乜唔理人哋啊？」

烏鴉怒瞪Leah，臉色不好看了，向駱駝澄清：「邊撚個同佢拍拖！阿大你咪聽佢亂噏廿四！」

「欸~情侶嗌交好小事啫，Leah，佢夠膽死蝦你嘅話就同我講。」

「我先冇亂噏。」Leah勾起陳天雄手臂，行為親密無間：「幾時嚟拎翻上次俾我嗰件大褸啊？」